A Panadería Outón de Outes, histórico negocio da contorna de Muros e Noia e con máis dun século de vida (foi fundada en 1905), está estes días de celebración: a conmemoración dos seus 120 anos de andaina elaborando produtos de calidade máis que recoñecida: pan, pasteis e doces, principalmente. Para festexar polo alto esta importante efeméride que reivindica a resistencia e a excelencia dos nosos negocios tradicionais e familiares, a vindeira semana (o venres 30 de maio) proxectarase na Casa da Cultura de Outes a proxección do documental Casa de Galdrán, un vídeo documental da historia da panadaría e homenaxeando as mulleres que practicamente dende os seus inicios xestionaron e sacaron a diante este histórico negocio. O acto comezará ás 20.15 horas.
