A organización do Galicia Rompe, evento de cultura e deporte urbanos de Porto do Son anteriormente coñecido como Rompetiño Jump, compartiu nas redes o cartaz de actuacións musicais da nova edición, a deste verán de 2025, que se desenvolve os días 4 e 5 de xullo (venres e sábado) convocando boa parte dos novos talentos deportivos, musicais e artísticos máis sobranceiros do panorama galego, estatal e internacional. Haberá novamente un completo programa de actividades e sorpresas.
No capítulo musical de Galicia Rompe, o recinto contará coa presenza de Disobey, Soto Asa, Albany, Israel B, Ill Pekeño & Ergo Pro, Arce, Raul Clyde, Ben Yart, John Pollón, Dirty Suc, Metrika, Hecky, D. Valentino, Selecta, C Marí, Tarchi, Kike Varela, PGJ e Carlota.
O evento vén dan do equipo Rompetiño coa colaboración da Xunta, Fest Galicia, Abanca, a Deputación da Coruña, Xacobeo e, por suposto, o Concello de Porto do Son, entre outras empresa e institucións.
Ademais, da música haberá como de costume demostracións e/ou exhibicións de break dance, BMX Cup (coa oitava edición da BMX Cup), surf, bodyboard ou parkour, ao que se engade unha competición de skate (Skatecup), unha proba da Liga Galega de Break e máis unha competición de Basket 3×3 con máis de 20 equipos en categorías femininas e masculinas de todas as idades.
Toda esta información podémola ir vendo no Instagram de Galicia Rompe.
