O Concello de Boiro oferta novos cursos formativos para o mes de xuño que se van impartir na Aula CeMIT do Centro Social local e que teñen o obxectivo compartido de seguir capacitando á cidadanía en competencias dixitais e continuar fomentando a empregabilidade e o apoderamento das veciñas e veciños. Para participar é precisa a inscrición previa que se pode facer mediante o enderezo electrónico axentetic@boiro.org, o teléfono 981 84 26 35 ou o 629 769 139.
Un dos cursos que se vai impartir é o de trámites electrónicos e medios de identificación, que se desenvolve do 2 ao 5 de xuño en horario de 10.00 a 12.00 horas; o de follas de cálculo de nivel inicial e medio, que se celebra do 9 ao 12 de xuño no mesmo horario que no caso anterior; e do 16 ao 18 de xuño está previsto o curso Inicio do manexo do móbil básico tamén de 10.00 a 12.00 horas.
