A antiga comisaría de Ribeira, cedida á Xunta polo Concello, comezou a funcionar como instalación de apoio ao CEIP O Grupo. Este novo espazo permitirá ao colexio mellorar as súas condicións e acoller diversas actividades educativas e administrativas.
A cesión do edificio responde á necesidade de optimizar os recursos municipais e dotar aos centros educativos de espazos adecuados para o seu funcionamento. o proceso administrativo foi impulsado e iniciado polo anterior Goberno Local do PP a través da cesión deste inmoble, de titularidade municipal, á Consellería de Educación da Xunta co obxectivo de ampliar as instalacións do colexio e gañar outras actividades.
A medida forma parte dun plan de mellora das infraestruturas educativas na zona, e desde o Concello e a Xunta destacan a importancia de seguir colaborando para impulsar a educación en Ribeira.
