Outes acolle este mes unha nova xornada sobre saúde e alimentación destinada a informar á cidadanía sobre hábitos beneficiosos (nutricionalmente pero tamén ambientalmente) que redunden na súa calidade de vida. Estamos a falar da charla informativa Por que nos enferman os alimentos?, que se celebra na Casa da Cultura da Serra o sábado día 24 de maio ás 18.30 horas. O obxectivo é “coñecermos as orixes das enfermidades que sufrimos coa nosa alimentación actual e esbozaremos algunhas estratexias para mellorar a nosa saúde”. As inscricións poden facerse na Piscina Municipal de Outes no teléfono 981 850 165, en horario de mañá (de 9 a 13.30 horas e de 17 a 23.00 horas). Organiza o Concello de Outes.
