O sábado 26 de abril a contadora Vero Rilo estará na Biblioteca de Rianxo (Pazo de Martelo) para ofrecer ás familias o espectáculo Pelica de burra, unha función para a rapazada de máis de 3 anos que se achega de balde até completar capacidade, a partir das 19.00 horas. Trátase dunha proposta de FalaRedes, programa de dinamización lingüística da Secretaría Xeral da Lingua.
A obra sitúanos en no ano 2.735, cando, Despois dunha incrible viaxe no tempo, Pelica de Burra, a nosa protagonista, aterra nun futuro sen xogos, sen contos, sen música… nun futuro terríbel. Ante isto, decide regresar ao pasado para atopar as palabras perdidas…
Música, narración oral, tradición, xogos de colo, arrolos, igualdade e moito conto é o que achegan nesta nova proposta.
