Venres 18, precipitacións localmente fortes na franxa atlántica, acompañadas de treboadas e sarabia

Unha borrasca situada ao norte de Galicia traerá unha gran inestabilidade atmosférica durante o venres Santo. A presenza de aire frío en altura virá acompañada dunha fronte activa que afectará especialmente ao oeste e norte da comunidade.

O ceo permanecerá parcialmente nubrado, con precipitacións xeneralizadas que poderían vir acompañadas de treboadas e mesmo sarabia en certas zonas.

As temperaturas mínimas experimentarán un lixeiro ascenso, mentres que as máximas permanecerán sen cambios significativos(7/16 graos). O vento soprará moderado do suroeste durante a mañá, intensificándose e cambiando ao noroeste ao mediodía, con especial incidencia no litoral atlántico, onde podería alcanzar intensidade forte.

Recoméndase extremar a precaución nas áreas máis afectadas polas precipitacións intensas e treboadas, especialmente na franxa atlántica. (Meteogalicia)

Sábado santo con chuvias que caerán de xeito frecuente e por momentos con intensidade forte.

O noso mar: Vento do sudoeste á mañá, do noroeste á tarde e do noroeste á noite, forza 3 a 5 á mañá, 5 a 7 á tarde e 4 a 5 á noite. Forte marusía á mañá e á noite e media vaga á tarde. Visibilidade regular á mañá e á noite e mala á tarde. Mar de fondo do oeste á mañá e á tarde e noroeste á noite, con ondas de 2 a 3 metros á mañá e á tarde e 2.5 a 3.5 metros á noite.

Cámaras web da comarca  (algunha pode nun funcionar puntualmente)

1. Coroso directo _ Santa Uxía de Ribeira
2. Praia de Balieiros directo- Corrubedo
3. Praia da Ladeira directo- Corrubedo
4. Praia das Furnas directo. Porto do Son
5. Praia Aguieira directo.Porto do Son
6. Portosín. Porto do Son
7. Sálvora. Santa Uxía de Ribeira
8. Pobra do Caramiñal directo. A Pobra
9. Centro Náutico do Freixo
10. Praia de Carnota
11. Praia de Corón Vilanova de Arousa
12. O Grove