A última información recollida polo 112 Galicia, nove persoas foron finalmente trasladadas por Urxencias Sanitarias de Galicia-061.
A vía permaneceu cortada á altura do quilómetro 10 en sentido Ribeira e os vehículos poden abandonar a autovía pola saída de Catoira. Os servizos sanitarios atenden a unha persoa que viaxaba no primeiro vehículo implicado.
O 112 Galicia tivo constancia do accidente dez minutos despois das 19:30 horas, a través dun particular que informou dunha colisión entre varios vehículos no quilómetro 14 da AG-11, á altura da parroquia rianxeira de Isorna e en sentido Ribeira. Nun primeiro momento, o alertador explicou que inicialmente se tratara dunha colisión entre tres vehículos, e que a continuación acabaran colidindo en cadea os restantes.
Os Bombeiros de Boiro sinalaron pouco despois desde o punto que había 14 vehículos implicados. Entre eles, un autobús de pasaxeiros no que todos os ocupantes resultaron ilesos.
O operativo contou coa participación da Policía Local de Rianxo, Garda Civil, Garda Civil de Tráfico, 061 de Rianxo, Boiro e Padrón e voluntarios de Protección Civil
