O Concello de Rianxo confirmou o impulso dunha segunda edición do Plan de Recuperación de Árbores Frondosas nas franxas secundarias de protección contra os lumes forestais. Segundo confirmou o Goberno de Julián Bustelo, o Concello repartirá de balda plantas de especies frondosas entre as persoas propietarias de fincas situadas nas franxas secundarias de protección (máx. 10 por persoa) que acrediten que están correctamente limpas. O ano pasado distribuíronse máis de 400 árbores entre as persoas propietarias cuxas propiedades cumpriron co requirido.
As solicitudes realizaranse no Servizo de Medio Ambiente (Museo do Mar) chamando ao 981 86 08 08 a partir do 14 de abril.
