O PP acusa ao Concello da Pobra e a Costas do Estado de incompetencia polos vertidos de hidrocarburos na Ribeiriña

26 Abril 2025

O Grupo Popular critica a “incompetencia” do Concello da Pobra e de Costas polo vertido de hidrocarburos na Ribeiriña

Os deputados Gonzalo Trenor, Magdalena Pérez e Miguel Fidalgo visitaron a zona acompañados do portavoz popular, Manuel Durán

Os deputados do Grupo Parlamentario Popular Gonzalo Trenor, Magdalena Pérez e Miguel Fidalgo lamentaron hoxe a “incompetencia” do Concello da Pobra do Caramiñal e da Demarcación de Costas do Estado por non ofrecer unha solución adecuada aos vertidos de hidrocarburos na zona da Ribeiriña, que obrigaron ao peche de varios bancos marisqueiros.

Nunha visita á zona afectados, acompañados polo portavoz local do PPdeG, Manuel Durán, os populares cualificaron de “incomprensible” que o Concello permitise executar obras nas antigas instalacións de La Onza de Oro sen realizar previamente unha descontaminación do solo, o que, segundo denunciaron, estaría na orixe dos problemas actuais.

“A suposta rexeneración da zona converteuse nun pesadelo”, advertiron, subliñando que a eliminación parcial do recheo sen descontaminar está a provocar filtracións directas ao mar.

Durante a súa intervención, Trenor, Pérez e Fidalgo tamén expresaron a súa preocupación polo “abandono total” das antigas instalacións da fábrica de HADASA, criticando que o goberno local aínda non respondeu ao requirimento da Xunta para coñecer as medidas previstas para mitigar os riscos medioambientais e protexer a saúde pública.

Os deputados destacaron a “dilixencia” coa que actuou a Xunta de Galicia, activando o Plan de Continxencias por Contaminación Mariña Accidental e desprazando efectivos do Servizo de Gardacostas para minimizar os danos ambientais.

Finalmente, acusaron ao “cuatripartito de esquerdas” que goberna no municipio de “intentar ocultar o abandono desta privilexiada zona costeira” e de “facer acusacións infundadas contra a Xunta”, lembrando que a Administración autonómica carece de competencias directas para solucionar o problema, pero que actuou “para evitar males maiores”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.