O transporte público de viaxeiros acada records en Madrid. En 2024 sumou 1.722 millóns de desprazamentos, sendo que, tal como sucede nas grandes capitais de Europa, son 46 os minutos de media empregados en cada traxecto pola cidadanía.
Con estas cifras comprenderáse en toda a súa verdadera dimensión a importancia das campañas de promoción do hábito da lectura emprendidas e financiadas pola Comunidade de Madrid, e as propostas de autorías e textos escollidos, entre outras este 2025 Valle-Inclán e as súas «Luces de bohemia», obra na que nos define o esperpento.
Qué mellor divertimento e que páxinas máis didácticas para as persoas viaxeiras que ese celebrado capítulo XII, no que Max Estrella e Don Latino dialogan no rueiro de “El Gato”.
A Empresa Municipal de Transportes de Madrid (MET Madrid) volta a colaborar con esta campaña «LIBROS A LA CALLE», que promove a Asociación de Escritores de Madrid, co obxectivo de fomentar a lectura entre os usuarios do transporte público con fragmentos cedidos e ilustracións de artistas actuáis. Con esta edición xa cumpre 27 anos.
