O Concello de Muros realizou obras para ampliar a rede de saneamento no Vilar, na parroquia de Abelleira.
“Cando chegamos ao goberno, no verán do 2023, xa sabíamos que tiñamos moito traballo por diante en materia de saneamento, unha prioridade para nós”, explica a alcaldesa, María Lago, engadindo que “xa que é un servizo público que repercute por outra parte nos bancos marisqueiros, dos que vive moita xente en Muros”.
Pola súa banda, a concelleira de Obras, Laura Rivadeneira, apuntou que “neste caso a actuación é da Brigada de Obras municipal e permite a conexión á rede de saneamento de 17 vivendas en Abelleira, e que reduce de maneira significativa os vertidos incontrolados”.
As obras de saneamento continuarán por todo o concello durante todo o mandato, engadiron.
