O Concello de Boiro participa, mediante o Fondo Galego de Cooperación e Solidariedade, no VI Foro Mundial de Desenvolvemento Económico Local que se celebra en Sevilla. O concelleiro de Política Social, Raúl Treus, estivo estes días no evento xunto con representantes municipais dos concellos de Nigrán, Burela e Tui.
Este foro atende ás prioridades globais na temática da triplo transición, a xustiza social, a formación para o emprego e o territorio, a xestión pública, alianzas político-privadas, así como o rol do sector privado e a economía social e solidaria, o emprego e o traballo decente e o enfoque dunha nova economía.
Neste sexto foro mundial, autoridades de 105 países do mundo, organizacións civís, universidades e diplomáticos amosaron as súas boas prácticas en desenvolvemento económico local nos municipios e as necesidades de financiamento.
O Concello de Boiro reivindicou que se sitúa “entre os mellores exemplos de desenvolvemento local mediante as accións que se levan a cabo no Centro de Formación e Viveiro de Empresas e de xeito transversal en educación e inclusión social”.
O Concello de Boiro pretende contribuír á cooperación e á actividade empresarial. “A cooperación é tamén unha oportunidade económica para as empresas, que poden reverter tamén parte dos beneficios nos territorios”, afirmou o concelleiro Raúl Treus.
