O Centro de Día de Porto do Son vai realizar esta semana, o mércores 30 de abril a partir das 16.00 horas, unha actividade de formación en habilidades e capacidades para persoas coidadoras e familiares de persoas dependentes. Na sesión proporcionaránselles axudas e recursos técnicos que favorezan o seu labor, que lles permitan gañar en eficiencia e eficacia e, tamén, en calidade de vida, benestar emocional e autonomía para as persoas que son obxecto dos seus coidados. A xornada Coidando ao/á coidador/a será impartida pola enfermeira do Centro de Saúde de Porto do Son. As inscricións poden facerse no teléfono 981 198 680. Organizan o Centro de Día, o Concello de Porto do Son e a confederación galega COGAMI.
