Galicia comezará a deixar atrás o aire frío das últimas xornadas este mércores, cunha situación meteorolóxica algo máis estable.
Agárdanse ceos parcialmente cubertos e chuvascos ocasionais durante a mañá, con neve por riba dos 1.200 metros, que irán remitindo co avance do día. A medida que cesen as precipitacións, os claros iranse abrindo, deixando unha tarde máis tranquila en boa parte do territorio.
As temperaturas experimentarán un lixeiro ascenso, tanto nas mínimas como nas máximas, mentres que o vento soprará moderado de compoñente oeste.( mínima 7 graos e máxima 16 graos)
A mellora progresiva das condicións supón un alivio tras varios días marcados pola inestabilidade, aínda que se manterán certas precaucións nas primeiras horas da mañá.
O xoves agárdase un sistema frontal achegándose a Galicia. Con esta situación, os ceos presentarán intervalos nubrados, con precipitacións que comezarán polo oeste e iranse estendendo ó resto da Comunidade na tarde e noite. As temperaturas experimentarán un lixeiro ascenso. O ventos soprará de compoñente sur, moderado, con intervalos fortes no litoral atlántico.
O venres será un día de moita inestabilidade atmosférica e con presenza de aire frío. Deste xeito, o ceo estará parcialmente nubrado con chuvascos xeneralizados acompañados de tormenta. As temperaturas mínimas ascenderán lixeiramente e as máximas non terán cambios significativos. O vento soprará do suroeste pola mañá e sendo do noroeste a partir do mediodía.
O noso mar: Vento do sudoeste á mañá, do noroeste á tarde e do sudoeste á noite, forza 4 a 6 á mañá, 2 a 3 á tarde e 3 a 4 á noite. Forte marusía á mañá, mar ovellado á tarde e marusía á noite. Visibilidade regular á mañá e boa á tarde e á noite. Mar de fondo do noroeste, con ondas de 2 a 3 metros.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
