A Tolerancia Cero en contra da violencia machista, continúa estando de actualidade. Foron moitos anos de impunidade, falta de respecto e de Dereitos cara ás mulleres, que demasiados machistas lerchos e covardes escóndense tras o anonimato para insultar, humillar e acosar ás mulleres, nas redes sociais.
Estes machistas miserables e inhumanos están afeitos tratar ás mulleres como meros obxectos de desexo, como carne de canón. Afixéronse, varias veces ao ano, a viaxar a Cuba, Venezuela ou República Dominicana, en busca do turismo sexual, aproveitándose de mulleres vulnerables, algunhas delas menores de idade, para abusar delas a cambio duns cuantos dólares, un bocadillo ou un simple refresco.
Todos estes indesexables e enfermos patolóxicos do sexo, non consentido, continuarán cabalgando con total impunidade, senón é en España será en calquera outro país en vías de desenvolvemento, de Sudamérica, África ou Asia para liberar os seus máis baixos instintos carnais e depredadores. Non son conscientes de que tamén teñen parellas, nais ou irmás, que poden ser abusadas ou maltratadas.
Non van cambiar, porque se cren que as súas actitudes coas correctas e pouco lles importa o que digan ou opinen os demais. Eles son os únicos que deciden o que é bo ou malo e ademais, en moitas ocasións, teñen o apoio de familiares, amigos e compañeiros de traballo.
J
