Un pequeno centro de baixas presións atravesará Galicia durante a xornada do luns, Santa Lidia, deixando tras de si unha situación meteorolóxica marcada pola inestabilidade.
Espéranse ceos parcialmente cubertos e chuvascos que poderán rexistrarse en calquera punto da comunidade, algúns deles localmente treboentos e acompañados de sarabia. A medida que avance o día, a cota de neve descenderá progresivamente ata situarse arredor dos 1.200 metros durante a noite.
En canto ás temperaturas, as mínimas manteranse estables, mentres que as máximas descenderán de maneira lixeira a moderada.
Os ventos soprarán inicialmente de compoñente sur, pero xirarán a noroeste ao longo da tarde, momento no que se agardan intervalos fortes no litoral galego.
A semana presentase con tempo revolto e temperaturas baixas.
O noso mar: Vento do sur á mañá, do noroeste á tarde e do noroeste á noite, forza 3 a 5 á mañá, 5 a 6 á tarde e 4 a 5 á noite. Marusía á mañá e forte marusía á tarde e á noite. Visibilidade regular. Mar de fondo do noroeste á mañá e á noite e oeste á tarde, con ondas de 1.5 a 2.5 metros á mañá, 2 a 3 metros á tarde e 2.5 a 3.5 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
