O alcalde de Boiro, José Ramón Romero, e o concelleiro de Comercio, Formación e Emprego, Roberto Lojo, visitaron na mañá deste venres 4 de abril o alumnado do taller de carpintería do Obradoiro de Emprego Torre Goiáns IV que desenvolve o Concello de Boiro. Foron recibidos polo director do mesmo, Ramón Caamaño, e polo seu alumnado.
O obradoiro que se está a desenvolver ten unha duración de 9 meses e forma 20 alumnos/as traballadores nas especialidades de Instalación en elementos de carpintería e Repoboacións forestais e tratamentos silvícolas. As persoas participantes contan cun contrato de traballo para formación e aprendizaxe a tempo completo de 40 horas semanais mediante o que se forma de xeito teórico e tamén práctico.
O taller de carpintería está situado no Centro de Formación e Viveiro de Empresas de Espiñeira, no que o alumnado realiza os traballos de mellora de cerramentos de madeira para o Pazo de Goiáns, mellora das pasarelas de madeira do Camiño A Orixe ao seu paso polas praias de Barraña, Carragueiros e Mañóns…
Para levar a cabo o Obradoiro de Emprego Torre Goiáns IV, o Concello de Boiro recibe da Consellería de Emprego, Comercio e Emigración da Xunta de Galicia unha subvención por importe de 411.628 euros para desenvolver obradoiros duais de emprego.
