Os bombeiros dos parques provinciais de Boiro e Ribeira foron alertados pasadas as 21:15 horas deste venres 4 de abril dun incendio nun garaxe da rúa Raposiños, no concello da Pobra do Caramiñal, que inicialmente se apunta que afecta a diversos automóbiles.
Unha vez no lugar os bombeiros identifican o lume nun garaxe anexo a unhas vivendas. O teito e o portón sucumbiran ante as chamas polo que o lume era visible desde o exterior. O operativo consistiu na extinción do lume e na comprobación das medidas de seguridade. Tan só houbo que lamentar danos materiais xa que o incendio calcinou un vehículo e mobiliario.
Completaron o operativo Policía Local, Garda Civil e Protección Civil.
