O Centro Social de Abanqueiro (Boiro) acolle este venres 11 de abril un novo espectáculo para a rapazada da parroquia e do concello: Rosalía, a pulga que escribía. Será ás 20.00 horas, con entradas na billeteira dende unha hora antes do inicio da función. Trátase dun espectáculo da compañía Galitoon para público infantil e familiar
Rosalía, a pulga que escribía é un espectáculo orixinal do que nace a serie de animación Tutu, de Ficción producións, e que se emite na canle estatal Clan TV. Esta é a historia dunha pulga moi pequena chamada Rosalía.Todos os días escribe unha carta, métea nun sobre e entrégalla ao carteiro motorizado, Bruno, o Canguro. Cada carta ten un destinatario peculiar: unha toupa que non ve, unha ovella que non sabe ler, unha xirafa que perdeu as súas lentes e un elefante que só fala inglés. A mensaxe das cartas é igual para todos: “Na próxima lúa chea, festa en casa de Rosalía.”
A lúa chea aproxímase e todos van recibindo a súa invitación. Todos menos Bruno. Por que?
