Medio cento de persoas do concello de Rianxo participan neste inicio da primavera nunha nova edición do programa Camiños de Coñecemento e Experiencia da Universidade de Santiago, un programa que externaliza a formación da USC cara ás persoas maiores dos concellos e que, no caso de Rianxo, ofrece nesta edición 2025 tres seminarios, de dúas sesións cada un, de formación universitaria dirixidos a persoas maiores de 50 anos.
Na xornada deste 2 de abril celebrouse a primeira sesión das programadas, a cal xirou en torno a Os pazos: un microcosmos de antano da man de José Manuel Vázquez Lijó, doutor en Historia e profesor da UDC.
Julio Alcalde, tenente de alcalde do Concello de Rianxo e concelleiro de Cultura, e Esther Olveira, directora do programa do IV Ciclo da USC, deron a benvida ás persoas que participarán na edición deste ano.
Programa de actividades en Rianxo
Mércores 02/04/2025 16:30-18:00h
Os pazos: un microcosmos de antano
José Manuel Vázquez Lijó, Doutor en Historia, profesor da UDC e colaborador do Programa Universitario de Maiores, IV Ciclo da USC
Xoves 03/04/2025 16:30-18:00h
Especies arbóreas na terra do Barbanza
Blanca Fraga Cimadevilla, colaboradora do Programa Universitario De Maiores, IV Ciclo
Venres 04/04/2025 16:30-18:00h
Especies arbóreas na terra do Barbanza
Blanca Fraga Cimadevilla, colaboradora do Programa Universitario De Maiores, IV Ciclo
Martes 08/04/2025 16:30-18:00h
Historia da fotografía: unha viaxe desde a cámara escura ata a era dixital
Katia Cino Rouco, investigadora do Departamento de Pedagoxía e Didáctica e colaboradora co Programa Universitario de Maiores da USC
Mércores 09/04/2025 16:30-18:00h
Os pazos: un microcosmos de antano
José Manuel Vázquez Lijó, Doutor en Historia, profesor da UDC e colaborador do Programa Universitario de Maiores, IV Ciclo da USC
Venres 11/04/2025 16:30-18:00h
Historia da fotografía: unha viaxe desde a cámara escura ata a era dixital
Katia Cino Rouco, investigadora do Departamento de Pedagoxía e Didáctica e colaboradora co Programa Universitario de Maiores da USC
Inscricións e máis información
Para máis detalles ou para formalizar a inscrición, podemos contactar co número de teléfono 981 100 688, por correo electrónico a cultura@concelloderianxo.gal, ou acudir presencialmente ao Auditorio. Ademais, tamén é posíbel formalizar a inscrición a través do formulario en liña habilitado.
