O Parque Provincial de Boiro recibiu este mércores 2 de abril, ás 19:22h, un aviso por accidente de tráfico, con dous vehículos implicados, na autovía AG-11 dirección Ribeira, no concello de Rianxo. De camiño ao lugar, os bombeiros atoparon un coche da policía local e a ambulancia.
Ao chegar ao lugar, aseguraron a zona do accidente, na que dous coches chocaran entre eles e coa mediana, quedando un en dirección contraria e invadindo o outro o carril esquerdo. Os condutores foron atendidos polos servizos sanitarios, aparentemente sen feridas. Un deles indicou que o outro vehículo estaba adiantándolle cando esvarou e bateu coa mediana primeiro e logo con el.
Os bombeiros agardaron a chegada da Garda Civil e dos guindastres para que retiren os vehículos, mantendo a seguridade dos condutores e finalmente axudando ao persoal de mantemento na limpeza da estrada. Rematouse o servizo ás 20:28 h.
