Donald Trump chuleouse esta semana de que preto de 70 paìses de todo o mundo estaban a chamalo para negociar coas súas administracións a retirada dos aranceis que impuxo e que están a causar unha “sacudida” nos mercados internacionais.
Segundo Trump “moitos países nos teñen estafado, mais agora tócanos a nós”. Porque, engadiu, “os países bícanme o cu, morren por chegar a un acordo”.
É indubidable o grave erro cometido pola administración Trump ao aplicar uns aranceis que China e a UE replicaron anunciando os seus nunha guerra económica na que Estados Unidos non podería gañar ao se converter no exclusivo inimigo do mundo nunha loita dun contra todos. Quixo actuar coma empresario no canto do político afeito ás PALLASADAS ata para expresar unha conexión inexistente cos seus. Trump, amais de non ser un político é un mal humorista, un pallaso de medio pelo que agora precisa gañar unha outra “guerra das duchas” para coidar o seu “precioso” pelo cenoria.
Trump, evidentemente, non é o presidente que USA necesita e que boa parte da sociedade estadounidense reclama. Non é, nin de lonxe, ese líder carismático que o mundo occidental ten no pensamento.
Donald Trump nen sequera recoñece que non ten graza. Todo nel é falso, como feito con presa por chegar a non sei onde. E as primeiras labazadas chegáronlle de China e a Unión Europea en forma de aranceis recíprocos inesperados na súa contundencia. Foi tal esta que obrigou a Estados Unidos a aplicar unha moratoria aos seus anunciados aranceis, o que lle valeu á presidenta da UE, Ursula von der Leyen, para cualificar de “paso importante para estabilizar a economía global” a decisión de Trump de adiar polo menos tres meses os aranceis recíprocos de Estados Unidos.
Esta mañá, von der Leyen saudou a decisión de Trump de “pausar” os gravames, o que a presidenta da UE entende coma un paso cara a mitigar o caos provocado ata o de agora. O mercado precisa dunha curta produtividade e non de bicos no fondón cu do presidente norteamericano. E mesmo pode sobrar a guerra das duchas proposta por Trump para coidar o seu “precioso” cabelo após saber que a UE alonga 90 días a posta en marcha dos seus aranceis a USA.
Están a facer un mundo estraño. Moi estraño.
