Na mañá do pasado mércores 23 de abril axentes da Policía Local de Ribeira instruíron dilixencias ao Xulgado de garda por un suposto delito contra a seguridade viaria a unha persoa por conducir tras perder tódolos puntos do seu permiso, xunto coa tramitación dunha denuncia administrativa por dar positivo este mesmo condutor no test de drogas. Ademais, os axentes sinalaron que o ciclomotor que conducía esta persoa carecía de seguro obrigatorio e Inspección Técnica de Vehículos (ITV) en vigor, motivo polo que se tramitaron dúas denuncias administrativas. Por todos estes motivos, a Policía Local procedeu á inmobilización preventiva do vehículo no lugar. Esta intervención foi realizada de xeito conxunto ca Policía Nacional, dentro da colaboración recíproca que ambos Corpos prestamos na protección da seguridade no Concello de Ribeira.
