No 2023 o fondo británico Zegona adquireu o 100% da filial española tras chegar a un acordo co Grupo Vodafone Dentro dos plans de reestructuración do fondo este luns 31 de marzo, pechan 148 tendas da multinacional da comunicación en España. Na nosa comarca deixan de estar operativas as oficinas de Ribeira, Boiro e Noia o que deixa sen atención presencial a varios milleiros de clientes da comarca que terán que operar a través dos servizos de atención ós clientes por teléfono ou internet.
O peche das tendas obrigará á empresa concesionaria a facer un ERE de extinciónq que podería afectar a varias ducias de traballadores na comarca e en toda Galicia.
O Grupo Vodafone permitirá a Zegona usar a marca de Vodafone en España durante 10 anos. Ademais, o acordo vinculante entre ambas as compañías establece que Vodafone prestará determinados servizos a Vodafone España por un custo anual total de aproximadamente 110 millóns de euros.
