Este venres, Galicia atoparase nunha situación intermedia entre as altas e as baixas presións, con circulación de vento do norte-nordés. O tempo estará caracterizado pola alternancia de nubes e claros, con chuvascos máis probables no terzo norte da comunidade. A cota de neve situarase arredor dos 800 metros.
As temperaturas experimentarán un lixeiro descenso, e agárdanse xeadas xeneralizadas nas zonas de interior. Pola súa banda, os ventos soprarán moderados no litoral e máis frouxos no resto de Galicia.
Sábado: Situación intermedia entre altas e baixas presións, con entrada dunha masa de aire ártica. Os ceos alternarán nubes e claros, con posibilidade dalgún chuvasco ocasional, máis probable no extremo norte e en zonas altas. Ocasionalmente eses chuvascos serán en forma de neve, coa cota nos 800 metros. As temperaturas non experimentarán cambios significativos, continuando a xear en zonas de interior. Os ventos soprarán do nordés en xeral, frouxos, con intervalos de moderado no litoral.
O noso mar: Vento do nordés á mañá, do norte á tarde e do nordés á noite, forza 3 a 4 á mañá, 4 a 6 á tarde e 2 a 3 á noite. Marusía á mañá, forte marusía á tarde e mar ovellado á noite. Visibilidade boa. Mar de fondo do noroeste, con ondas de 2 a 3 metros á mañá, 1.5 a 2.5 metros á tarde e 1 a 2 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
