O Parque Provincial de Boiro recibiu este domingo 30 de marzo ás 21:55 h un aviso por un vehículo accidentado cunha persoa ferida na AG-11 sentido Ribeira.
Ao chegar ao punto ás 22:02 h., observaron que se trataba dunha curva pechada con baixa visibilidade e que había restos do vehículo por máis de 300 metros. Sinalizaron a zona do accidente pola súa perigosidade e atoparon á condutora fóra do vehículo. Esta indicou que dera moitas voltas de campá, batendo coas dúas medianas da estrada. A muller tiña dores no peito e foi atendida polo persoal sanitario do 061.
Tras a chegada do persoal de mantemento e da Garda Civil de Tráfico de Santiago de Compostela, os bombeiros procederon á limpeza dos restos de aceite na estrada.
Completaron o servizo Policía Local, unha ambulancia do 061 e Garda Civil.
