Rianxo achegará nas vindeiras semanas un servizo de conciliación para as familias traballadoras do termo municipal para que poidan harmonizar a actividade laboral co feito de teren ás crianzas en tempo de lecer. Desenvolverase os días 14, 15, 16 e 21 de abril, nos centros escolares de educación primaria (CEIP ADR Castelao, CEIP Ana María Diéguez e CEP Xosé María Brea Segade) e no Centro Cultural A Capela. O horario será de 10:00 a 14:00 h. O servizo vai destinado a nenos e nenas nacidas entre o 2013 e o 2021, ámbolos dous incluídos. As inscricións abriranse o vindeiro luns 31 de maio. Habilitarase un formulario na páxina web do Concello de Rianxo.
