Porto do Son volveu celebrar o seu Entroido por todo o alto, no que centos de veciños e veciñas achegáronse durante estes cinco días de festexos e nos que se repartiron 3.775 euros en premios.
O sábado 1 de marzo celebrouse o concurso infantil de disfraces que contou con tres categorías: individual, parellas e grupos. Entre as decenas de participantes resultaron proclamados rei Etteling, un mundo de fantasía e a Raíña foi Baila co Vento.
Na categoría individual quedou en primeiro lugar Pavo Real, en segundo Dulce Mezcla e en terceiro Coruxas, Serpes e Bruxas. En parellas o primeiro premio foi para Cultura no Camiño, a prata foi para La Corona Británica e en terceiro posto Momias.
En canto á categoría de grupos o vencedor foi Circo Xirarei e os segundo lugar para Enxiada Encaixamos.
A xornada estivo marcada pola música, a diversión e contou cunha mini-ruada desde a praza España até a carpa da fachada marítima coas nenas e nenos concursantes.
Un día despois, o 2 de marzo, celebrouse a foliada choqueira en Porto do Son e a Festa da Filloa en Portosín, que volveron ser todo un éxito e onde as persoas asistentes gozaron dunha gran tarde de boa música tradicional, degustando as delicias típicas do Entroido.
O luns, 3 de marzo, celebrouse o concurso de adultos de disfraces que contou tamén con tres categorías: individual/parella, grupo e comparsas.
Na categoría individual/parella quedou en primeiro lugar Os cabezudos africanos, en segundo lugar Pavo Real e en terceiro Cisnes de Ocaso y Alba.
Na categoría de o primeiro posto foi para Cine Avenida, o segundo para Carnaval Veneciano e o terceiro para AMPA Máxico. En canto á categoría de comparsas o primeiro premio foi para EL Reino de Baset, o segundo para Trouleando e o terceiro foi para Aquelarre Valquiria.
A xornada estivo marcada pola música, a diversión e contou coa ruada e as actuacións Little Garden’de Pablo Méndez e da Comparsa Os Solfamidas na Carpa. Todo isto presentado por Juan de Troula que foi o encargado de elixir o xurado popular ante o público asistente.
Para a xornada de hoxe, martes de Entroido, haberá inchábeis desde as 16:30 ata as 20:30 h no polideportivo Santa Irene.
Por último, o Mércores de Cinza, 5 de marzo, celebrarase o Enterro do Felipiño, a partir das 19:30 h no Acompañamento do Defuntiño.
O alcalde, Luis Oujo, xunto cos concelleiros Carlos Lorenzo e Alicia Martínez, foron os encargados de entregar os premios a todas as persoas gañadoras. O rexedor felicitou a todas as persoas participantes “por preservar o espírito do entroido e por gozar, outro ano máis, dunha gas festas máis senlleiras da nosa comunidade”.
