Os técnicos reparan o repetidor de sinais TV de San Alberto, en Ribeira

04 Marzo 2025

O Concelleiro de Novas Tecnoloxías, Francisco Suárez-Puerta Colomer, desprazouse este martes 4 de marzo persoalmente ao repetidor de San Alberto para supervisar os traballos de reparación realizados no equipo repetidor de sinais de TV. Durante a súa visita, detectáronse dous problemas técnicos que afectaban á calidade do sinal en diferentes canles no múltiplex MAUT, que afectaba principalmente ao sinal da TVG, a pesar de que a potencia era adecuada. O problema foi identificado como unha avaría no módulo procesador, que prexudicaba os niveis de calidade do sinal (MER e CBER).

Os técnicos traballaron para substituír o módulo procesador e pór un de reserva, e logo de axustar os parámetros o sinal volveu aos niveis normais de funcionamento tendo en conta as limitacións técnicas do reemisor.

O edil sinalou que o Concello segue a traballar para reparar de forma definitiva a avaría no equipo.

Incidencia no manguito de control entre os módulos e no módulo amplificador

Outro problema detectado provocaba unha baixa potencia no sinal das canles C36, principalmente A3. Tras unha revisión o fallo foi localizado no manguito de control entre os módulos e no módulo amplificador. O equipo técnico cambiou ambos compoñentes e logo de realizar probas de recepción en campo, confirmaron que o sinal volvía funcionar correctamente.

O concelleiro Francisco Suárez-Puerta pediu desculpas aos veciños afectados pola interrupción no servizo. “Comprendemos as molestias que esta situación puido causar e lamentamos os inconvenientes. Estamos facendo todo o posíbel para garantir que esta situación non se repita no futuro e que os veciños teñan os servizos que merecen”, comentou Suárez-Puerta.

O Concello seguirá monitorizando o repetidor e manterá informados os veciños sobre calquera actualización ou nova actuación que se realice
relacionada co mantemento deste servizo.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.