O Concello de Boiro acomete obras de mellora no inmóbel compartido entre o Centro de Día e a Galiña Azul. O alcalde, José Ramón Romero, e o concelleiro de Política Social, Raúl Treus, visitaron este mércores 5 de marzo o edificiopara coñecer o resultado das actuacións.
Entre as intervencións realizadas está o arranxo da terraza do Centro de Día para eliminar as filtracións de auga que se producían no interior, así como o arranxo das humidades interiores da Escola Infantil. Realizouse a instalación de estantes no soto para almacenar alimentos e outros materiais da escola e tamén do Centro de Día e realizouse a instalación dunha bomba extractora de aire na zona da lavandería que se atopa no soto.
Por outra banda, está pendente a execución de outras actuacións que se levaran a cabo durante este ano como son a eliminación das bufardas (tragaluces) do teitume; a instalación de novos paneis LED; a corrección de humidades na entrada secundaria do Centro de Día e a instalación de pérgolas exteriores nas entradas principais do Centro de Día e da Escola Infantil.
