Dende vai algún tempo circula con forza o rumor de que os condutores que superamos os 70 anos de idade veremos como a Direción Xeral de Tráfico (DXT) nos retira o permiso de conducir. E non vai ser así,,entre outras cousas, porque a retirada do carné depende única e exclusivamente das capacidades psicofísicas do condutor, non da súa idade biolóxica.
É certo que co avellamento, a capacidade da perda para seguir a conducir ten cada vez maior relevo. Notámolo. Máis tamén é certo que os vehículos de hoxe en día dispoñen de máis axudas para conducir: dende aqueles tempos nos que había que mover o volante do coche “a base de pan de millo” (significando a forza a facer no caso dun vehículo parado) á aplicación da direción asistida foi todo un medio de seguridade de agradecer. Especialmente polas mulleres que, en moitos casos, apenas podían pór en marcha o coche pola resistencia das rodas tractoras ao xiro ou desprazamento.
Este é un dos motivos polos que a Direción Xeral de Tráfico desmentiu os rumores sobre a posible retirada do carné de conducir de xeito automático aos maiores de 65 anos, porque en España non existe idade máxima para conducir. A retirada do carné depende tan só das citadas capacidades psicofísicas do condutor, nunca da súa idade biolóxica.
Engadir que as persoas maiores de 70 anos están exentas do pagamento da taxa de 24,58 euros por trámite de renovación do carné de conducir. Si a exención non cubre os gastos propios do recoñecemento médico (en torno aos 50 euros) debe aboarse tal cantidade por canto este procedemento é alleo á DXT.
