A Libraría Nobel de Boiro acolle este venres 21 de marzo unha nova presentación literaria: a presentación de Carnívoras e domésticas, de Jorge Rodríguez Durán (Vigo 1993). A cita, organizada pola Asociación Cultural Barbantia, dará comezo ás 20.00 horas. Contarase coa presenza do autor e da concelleira de Cultura, María Outeiral. Carnívoras e domésticas, editado por Cuarto de Invierno, é un conxunto de historias eremitas sobre a vida cotiá. É un libro de relatos que se instala no xogo, na liberdade, nos reveses vitais e, sobre todo, no melodrama.
