Os bombeiros do Parque Provincial de Boiro acudiron a sufocar un incendio na cociña dunha vivenda baleira no lugar de Teaño, no Concello de Boiro.
O foco estaba concentrado na cociña e as lapas chegaron ao teito. Unha vez apagado o lume ventilouse a casa cun turbo ventilador e abríronse as fiestras. Fíxose tamén unha medición de gases na que se detectaron concentracións de CO2. Informouse da situación aos propietarios que indicaron que ninguén quedaría na vivenda e que se continuaría coa ventilación de xeito natural.
Nesta intervención participaron tamén os bombeiros do Parque Provincial de Ribeira.
