Galicia, especialmente os centros hospitalarios de Santiago de Compostela, A Coruña e Vigo, está recoñecida coma unha das comunidades autónomas nas que a excelencia sanitaria prevalece no conxunto de España. De feito a comunidade galega recibiu o ano pasado catro galardóns nos premios Best in Class, e a Consellería de Sanidade foi recoñecida pola súa traxectoria na categoría Calidade na Atención ao Doente. Amáis, a Unidade da Dor do Hospital da Coruña foi merecedora do premio ao mellor servizo nacional.
Emporiso, e segundo o Informe de Problemas de Subministración , o ano pasado producíuse unha diminución do 13% destes eventos verbo do ano anterior, o que evidencia que os problemas de subministración de medicamentos se reduciu en España.
A maior abundamento, nas últimas semanas evidénciase a falta de dotación aos doentes dos elementos necesarios para a realización de analíticas de sangue, ouriños, feces, etc., pola carencia nos centros de contedores de mostras e outros adminículos necesarios para a estración das mostras dos contedores.
Aínda así, Galicia lidera a excelencia sanitaria após ser recoñecida cos catro galardóns nos premios Best in Class xa citados, e a Consellería de Sanidade foi recoñecida á súa vez pola traxectoria na categoría de Calidade na atención ao doente.
Outra das eivas que se recoñecen na asistencia médica pública de Galicia é a tardanza polos servizos de cirurxía traumática, que obriga ao doente afectado por fracturas -especialmente no aparato motor- a permanecer dúas ou máis semanas agardando a que o servizo de traumatoloxía dispoña de quirófano e cama para o doente afectado, inmobilizado e, en moitos casos, dependente da axuda dun familiar ou amigo en domicilio, cando non, a maiores, dos servizos sociais do concello de residencia.
Recoñecendo a valía da sanidade pública galega, esta (con 82 pungos) non se atopa nos primeiros postos do ranking nacional que encabeza a madrileña, con 7 de seus hospitais entre os 15 mellores de España. Por contra, a Comunidade Valenciana é a que conta cos piores servizos sanitarios. Esta comunidade puntúa un 62 sobre un total de 142 posíbeis, máis de 20 puntos por baixo da media nacional (85,41).
