O escritor Xosé Antonio Andrade presentará o seu libro “Os cómaros da vida. Diarios 2020-2022” este venres 7 de marzo de 2025 ás 19:00 h na ULA Libraría Social, situada en Rúa dá Capela, 11, na Serra de Outes.
No evento, o autor estará acompañado por Vicente Abelleira Cambeiro, activista social e cultural, e Miguel Anxo Fernán Vello, escritor e director de Edicións Espiral Maior, selo editorial que publica a obra dentro da súa colección Baldaio.
A presentación promete ser un espazo de diálogo sobre a obra e o seu contexto, no que Andrade compartirá co público as súas experiencias e reflexións plasmadas nestes diarios que abarcan os anos 2020 a 2022.
