“Este venres concerto de corais en homenaxe ao pintor Manuel Gulín”

05 Marzo 2025


Actuarán o Orfeón Lucense e o Coro da Asociación de Amigos do Camiño de Santiago, no salón de actos da Delegación da Xunta de Galicia en Lugo
O salón de actos da Delegación Territorial da Xunta en Lugo acollerá este venres, día 7, un concerto de corais en homenaxe ao pintor Manuel Gulín; comezará ás 20,00 horas e a entrada será libre e gratuíta ata completar aforo.

A homenaxe estará protagonizada polo Orfeón Lucense e o Coro da Asociación de Amigos do Camiño de Santiago da provincia de Lugo, e foi presentada hoxe na Delegación polos presidentes de ambas entidades, Xulio Xiz e Ángel Trabada, respectivamente, e polo director territorial de Cultura, Lingua e Xuventude, Manuel Antonio Fernández.
Manuel Gulín, natural de Ribadavia, desenvolveu gran parte da súa vida en Lugo, onde faleceu en setembro do 2023. Foi un destacado membro da escena cultural da provincia; expuxo a súa obra en numerosas exposicións individuais e colectivas e mantivo unha colaboración constante como xurado con certames culturais como os do Belén de Begonte ou os da Biblioteca Pública Provincial.
No acto do venres, Xiz e Trabada lembrarán tamén o seu labor como membro de ambas corais, e o delegado territorial da Xunta en Lugo, Javier Arias, recordará a súa faceta como responsable do departamento de Patrimonio Cultural da Xunta de Galicia en Lugo.
No apartado musical, a Coral da Asociación de Amigos do Camiño de Santiago estará dirixida por Esperanza Iglesias, e o Orfeón Lucense por Marcos Manuel Fernández, titulares das agrupacións.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.