O Consistorio de Dodro acolleu esta semana o pleno ordinario da Corporación local correspondente ao mes marzo e que, entre outros acordos, saldouse coa aprobación do proceso de licitación do Servizo de Axuda no Fogar, SAF, por un importe anual de mais de 660.000 €.
Unha aprobación que contou cos únicos votos favorábeis do PSdeG-PSOE e o BNG. Unidade Veciñal de Dodro e Xente de Dodro votaron en contra.
O Partido Popular optou pola abstención e foi esta abstención, e o feito de que dos tres concelleiros da agrupación Xente de Dodro só asistira o voceiro, a que posibilitou a aprobación.
O grupo de Goberno sinalou que “a non aprobación deste procedemento tería sido un problema grave para os veciños e veciñas do concello, xa que suporía un parón nun dos servizos máis demandados no termo municipal, e agora poderá comezar un proceso que rematará coa adxudicación do SAF”.
Quen o precise pode ver a sesión na canle de Youtube do Concello.
