“Coa vista posta nas eleccións municipais de 2027 (UCIN) continua loitando por Galicia”. José Luis Calo

UCIN Galicia xurdiu como un instrumento político fronte ás formas de proceder
dos partidos tradicionais co fin esencial de traballar polos nosos pobos e o mundo
rural. Integrado tanto por persoas con experiencia política como por outros que se
estreaban, conseguiu chegar ás eleccións municipais de 2023, alcanzando cinco
concelleiros. Actualmente, temos a vista posta nas próximas eleccións
municipais de 2027, nas que nos propuxemos como obxectivo a concorrencia no
maior número de municipios nas catro provincias e conseguir representación en
cada unha delas, e non desdeñable conseguir representación nas Deputacións,
aínda que para nós conseguir representación non é un fin en si mesmo, senón un
medio para poder conseguir un altofalante para denunciar os problemas da nosa
rexión. O noso partido é un partido de propostas e ideas e non de personalismos.
Somos un partido sen medios económicos por carecer totalmente de subvencións
que financien os nosos gastos, situación que suplimos con moito traballo
desinteresado, e de feito nos últimos anos fomentamos a visibilidade das nosas
reivindicacións cunha intensa actividade de comunicación coa redacción de
numerosas notas de prensa e coa organización ou apoio de accións
reivindicativas, que se verán incrementadas máis aínda se cabe nos próximos
meses. Somos a voz dos problemas en Galicia, pola independencia política fronte
á situación á que nos levaron os partidos nacionais, e así esperamos seguir moitos
anos máis.