O Centro Social de Abanqueiro acolle este venres 28 de marzo, ás 16.00 horas, unha nova actividade do programa Muller e Saúde, edición 2025. Trátase da charla Xardinería terapéutica, que reivindica a relevancia de empregar a interacción coa natureza e o coidado das plantas para promover melloras nas esferas física, cognitiva, emocional e social. As inscricións poden facerse no CIM de Boiro mediante o enderezo electrónico cim@boiro.org ou o teléfono 669 582 674.
A charla está organizada polo Concello de Boiro, a través do Centro de Información á Muller.
As actividades proseguirán os días 5, 12 e 26 de abril coas xornadas Muller e Saúde que inclúen sesións de adestramento en solo pelviano, no Centro Social de Abanqueiro.
As xornadas rematarán o 21 de xuño no Polideportivo de Boiro cunha actividade de adestramento en autodefensa e seguridade persoal para mulleres.
