A Policía Local de Ribeira emitiu un comunicado no que informa dun posíbel caso de tentativa de usurpación de vivenda, do que foi vítima unha veciña de avanzada idade do barrio de Padín. Segundo relataron os axentes, a titular inmóbel avisou á Policía ao descubrir no seu domicilio obxectos que non eran da súa propiedade, caixas, maletas e outros aveños que foron deixados alí para, con toda probabilidade, iniciar unha ocupación.
Finalmente a veciña foi restituída na súa propiedade e interviñéronse diversos obxectos e ferramentas que puideron ser empregados neste ou noutros delitos, “así como outros cuxa procedencia está sendo investigada”, explicou a Policía, que valorou que “a colaboración cidadá resultou fundamental unha vez máis para unha pronta actuación e a boa finalización da intervención”.
