A Marea de Noia alertou sobre a grave situación que está a vivir o porto de Testal debido á súa colmatación, que impide o atracado normal de varias embarcacións, incluídas as da Cofradía de Pescadores. Esta problemática está a causar importantes prexuízos no sector marisqueiro e pesqueiro, fundamentais para a economía local.
A pesar de que o goberno da Xunta comprometera o dragado do porto, a obra segue sen executarse, agravando unha situación que pon en risco a actividade diaria de numerosos profesionais do mar. “Non podemos permitir que a inacción da administración siga prexudicando á nosa xente do mar. O dragado do porto de Testal é unha necesidade urxente e debe acometerse de inmediato,” declarou Manolo Seijas, portavoz da Marea de Noia.
Ademais, a formación política esixe a Portos de Galicia que cumpra co compromiso adquirido e leve a cabo os traballos necesarios sen máis demoras. Tamén instan ás administracións competentes a establecer medidas de mantemento periódico para evitar que esta situación se repita no futuro. A Marea de Noia realizou un chamamento á sociedade e ás persoas afectadas para que se unan a esta reclamación en defensa dun sector produtivo esencial para Noia.
Por outra banda, a Marea de Noia propón impulsar unha acción formativa para que as traballadoras sen titulación poidan regularizar a súa situación laboral. “Non só queremos municipalizar o servizo, senón tamén mellorar as condicións laborais e garantir que o SAF funcione como merece a veciñanza de Noia,” engadiu Seijas.
Finalmente, o portavoz advertiu que a Marea de Noia continuará esixindo o cumprimento do acordo plenario: “Se o goberno pensa que imos esquecer isto, está moi equivocado. Seguiremos presionando e denunciando ata que o SAF pase a ser un servizo público, estable e de calidade, tal e como se aprobou hai máis de dous anos.
