A Cátedra Valle-Inclán homenaxeará in memoriam o profesor Javier Serrano Alonso

18 Marzo 2025

A Cátedra Valle-Inclán da USC, no marco do 50 Aniversario da Facultade de Filoloxía, organiza para o 26 de marzo unha serie de actos In Memoriam de Javier Serrano Alonso (1962-2024), recoñecido valleinclanista, profesor do Departamento de Lingua e Literatura Españolas, Teoría da Literatura e Lingüística Xeral e membro do Grupo de Investigación Valle-Inclán e da Cátedra homónima. O acto estará presidido polo vicerreitor de Transformación Dixital e Innovación, Gumersindo Feijoo.

A programación dará comezo ás 12.00 horas cunha conferencia do profesor Iglesias Feijoo no Salón de Graos do centro, tras a que terá lugar a presentación do libro de Serrano Alonso Ramón del Valle-Inclán. El Trueno Dorado, Edición facsímil, diplomática y crítica, publicado na Biblioteca da Cátedra Valle-Inclán de Edicións USC e a inauguración da exposición El Trueno Dorado de Ramón del Valle-Inclán no segundo andar. Na súa innovadora obra, Javier Serrano Alonso analiza as vicisitudes do proceso de escritura e publicación desta novela valleinclaniana, ofrecendo por primeira vez unha edición facsímile, diplomática e crítica tanto en soporte papel como en formato dixital.

Exposición El Trueno Dorado de Ramón del Valle-Inclán
A exposición céntrase en ilustrar, a través de imaxes e da documentación pertinente (manuscritos, ilustracións, fotografías, edicións e outros materiais), a complexa historia da novela póstuma de Valle-Inclán. Esta obra foi escrita durante a súa estadía en Santiago no ano 1935, cando o autor, enfermo de cancro, estaba sendo tratado no sanatorio do Doutor Villar Iglesias. Durante este período, Valle-Inclán traballou na súa novela ata poucos días antes do seu falecemento, o 5 de xaneiro de 1936. A obra foi publicada post mortem no diario madrileño Ahora.

Esta mostra permanecerá aberta de 8.30 a 20.30 horas ata o 9 de abril, cando será clausurada cunha segunda conferencia impartida por Javier del Valle-Inclán Alsina ás 12.00 horas no Salón de Graos da Facultade.

Filoloxía. Foto: Santi Alvite

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.