Este venres, festividade de San Ricardo, Galicia permanecerá baixo a influencia dunha masa de aire frío en altura, o que deixará unha xornada marcada pola inestabilidade atmosférica. Agárdanse ceos nubrados con chuvascos, máis intensos e probables durante a mañá, que irán remitindo ao longo do día. A cota de neve situarase arredor dos 1300 metros nas primeiras horas.
As temperaturas experimentarán un descenso lixeiro a moderado, sobre todo nas máximas. Os ventos soprarán do nordés con intensidade moderada no litoral, reforzándose pola tarde entre Bares e Fisterra, onde serán fortes. No resto do territorio, serán frouxos.
O noso mar: Vento do noroeste á mañá e do nordés á tarde e á noite, forza 2 a 4 á mañá, 3 a 4 á tarde e 3 a 5 á noite. Mar ovellado á mañá e marusía á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
