O Concello de Rianxo lembra que esta semana constitúe a recta final para visitarmos a exposición Os homes, por Castelao, na colección de Roberto Taboada, unha mostra de gravados organizada polo Concello de Rianxo e a Fundación Fundación Museo de Artes do Gravado á Estampa Dixital, no marco dos Actos Castelao 2025, que conmemoran os 75 anos da morte do escritor e artista rianxeiro. A exposición poderase visitar no Auditorio de Rianxo até este sábado 8 de febreiro, en de 10:30 a 14:45 horas, coa excepción do sábado 8 que tamén se poderá visitar de 18:00 a 20:00 horas.
A proposta artística pon o foco na parte da creatividade de Castelao que empregou para plasmar as diferentes tipoloxías masculinas do seu tempo. A mostra, que xa puidemos ver no Museo do Gravado de Artes (co-organizador da actividade a través da súa fundación), exhibe os traballos do rianxeiro publicados no xornal vigués Galicia durante o ano 1925 e logo utilizados na publicación Cincoenta homes por dez reás (1930). Por primeira vez poderanse ver as 68 pranchas de cinc orixinais utilizadas na prelo da publicación acompañadas polas publicacións orixinais do xornal Galicia. Amais, exponse unha pequena mostra de distintas edicións do volume Cincoenta homes por dez reás.
Colaboran na edición do catálogo o Concello de Rianxo e o Concello de Ribeira.
