O Servizo de Deportes do Concello de Rianxo organiza esta primavera unha nova edición da iniciativa de lecer deportivo e cultural Camiño de Santiago 2025: O Camiño do Norte, que se corresponde ao percorrido do Camiño de Santiago con saída desde Ribadeo (Lugo).
A actividade desenvolverase en 8 etapas, nos meses de marzo, abril, maio e xuño, desde Mondoñedo ata Santiago de Compostela.
O prazo de inscrición xa está aberto, e remata o 26 de febreiro ás 14 h. As preinscricións poderán formalizarse dende a ligazón habilitada na plataforma Cluber, onde ademais podemos consultar as bases de organización da actividade. Calquera dúbida pódese consultar na oficina do Servizo de Deportes de Rianxo. O pago farase etapa a etapa, co mesmo sistema que en edicións anteriores.
