Preto de 40 voluntarios/as axudan a eliminar acacias en Carreira, na contorna do miradoiro da Pedra da Ra

03 Febreiro 2025

O proxecto CAPRIF-CC programa o vindeiro sábado unha nova actividade de voluntariado ambiental para plantar árbores autóctonas nos montes da CMVMC de Baroña (Porto do Son)

Preto de 40 voluntarios e voluntarias participaron este domingo nunha xornada de eliminación de acacias organizada polo proxecto Comunidades Activas e Paisaxes Resilientes a Incendios Forestais e Cambio Climático (CAPRIF-CC). A acción desenvolveuse na contorna do miradoiro da Pedra da Ra, pertencente á Comunidade de Montes Veciñais en Man Común (CMVMC) de Carreira, en Ribeira.

A actividade, coordinada pola Fundación Montescola, forma parte das iniciativas destinadas á erradicación de especies exóticas e invasoras, así como á restauración e mantemento de hábitats de especial interese de conservación. O obxectivo é garantir a pervivencia de paisaxes biodiversas e resilientes fronte ao cambio climático.

Dentro deste proxecto, CAPRIF-CC ten programada unha nova acción de voluntariado ambiental o vindeiro sábado, 8 de febreiro, no territorio da CMVMC de Baroña, en Porto do Son. Nesta ocasión, a iniciativa centrarase na repoboación do monte coa plantación de especies autóctonas, como carballos, castaños, bidueiros e freixos. A actividade desenvolverase de 10:00 a 14:00 horas na contorna dos muíños e a capela de Santo Tomé. As persoas interesadas poden inscribirse ata o xoves a través do formulario dispoñible na web de CAPRIF-CC.

O proxecto CAPRIF-CC está impulsado pola Fundación Juana de Vega, a Fundación Centro de Estudos Eurorrexionais Galicia-Norte de Portugal (CEER), a Fundación Centro Tecnológico y Forestal de la Madera (CETEMAS), a Asociación Galega de Custodia do Territorio (AGCT) e a Fundación Montescola. Ademais, conta co apoio da Fundación Biodiversidad do Ministerio para la Transición Ecolóxica y el Reto Demográfico (MITECO), no marco do Plan de Recuperación, Transformación y Resiliencia (PRTR), financiado pola Unión Europea cos fondos NextGenerationEU.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.