O Consello de Ministros aprobou o Plan Nacional de Servizos Especiais de Salvamento da Vida Humana no Mar e da loita contra da contaminación do Medio Mariño para o período 2025-2027. Un Plan que prevé un investimento de 162,7 millóns de euros para modernizar os medios de Salvamento Marítimo (SASEMAR) e dar pulo á sostibilidade.
Para a renovación de embarcacións destínanse 84,6 millóns de euros, aos que se suma a adquisición dun helicóptero de gran porte cun orzamento de 27 millóns de euros (será o que tiñan previsto emprazar en Cee?). En total, 111,6 millóns de euros en tres anos, entre embarcacións e o helicóptero, con financiamento do Banco Europeo de Investimentos. O Plan contempla un investimento en tres anos semellante ao anterior en catro anos: 173,6 millóns de euros entre 2021-2024.
O obxectivo é reforzar o sistema de reposta a incidentes e accidentes marítimos, implementar novas tecnoloxías, potenciar a loita contra o cambio climático e fomentar a seguridade e a protección dos mares e océanos. Un Plan que xira en torno a dous eixes e dúas liñas estratéxicas na liña das principais políticas e disposicións legais nacionais e internacionais: servizo público eficaz e eficiente, coa incorporación e modernización de medios, mellora da capacitación profesional, coordinar, avanzar cara á transformación dixital e a innovación. Contempla tamén a construción de dous remolcadores, dúas novas patrulleiras de salvamento, seis embarcacións lixeiras de acción rápida, un helicóptero, un centro de coordinación en Palma de Mallorca e a incorporación de drons.
É un pulso á sostibilidade do transporte marítimo coa supervisión das normas de descarbonización, a vixilancia e a protección fronte a vertidos mariños e a prevención da contaminación dos parques eólicos e divulgación do medio ambiente.
Un paso avante na seguridade dos traballadores do mar.
