O Concello saínte de Outes deu a coñecer os días pasados a nova ordenanza que regula o uso dos areais do termo municipal. Nesta nova norma establécense dous areais destinados á convivencia cos cans, unha iniciativa que segundo sinalou o Executivo saínte, viña sendo moi demanda pola cidadanía en xeral e, tamén, polos visitantes. O obxectivo da norma é “evitar problemas de convivencia establecendo espazos específicos así como as normas básicas de convivencia nestes espazos naturais”. As dúas praias caninas do concello sona a praia da Bitureira (Camiño ao Requeixo dende Broña) e unha praia pequena no Freixo.
No resto dos areais os cans poderán acceder igualmente, durante a tempada de alta afluencia, de 21:00 a 11:00 da mañá quedando prohibido o seu acceso no resto do día. A ordenanza pode consultarse na sede electrónica da Deputación.
