A contadora e escritora Raquel Quizás vai representar a súa función Cinema Marabillas este 11 de febreiro no Teatro Cine Elma da Pobra do Caramiñal, a partir das 11.00 horas. Na función, encadrada na nova edición do certame de teatro escolar da Pobra, participará o alumando de Cadreche e de 2º de primaria de Bandaseca.
Con esta obra os nenos e nenas van descubrir a amizade entre o cine e a literatura infantil e xuvenil. Gozaran vendo as primeiras adaptacións cinematográficas inspiradas en contos marabillosos e nos libros clásicos da literatura. O obxectivo e facerlles ver ás crianzas que esas historias que coñecen poden contarse de diferentes maneiras. Que descubran que o cine mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cine. O cinema tamén se le.
Organiza a concellaría de cultura da Pobra do Caramiñal en colaboración coa Rede Cultural da Deputación da Coruña.
